“Liverpul” Çempionlar Liqasının qalibi oldu - YENİLƏNİB + VİDEO

UEFA Çempionlar Liqasının qalibi bəlli olub.

Oxu.Az xəbər verir ki, “Liverpul” 2-ci dəqiqədə Məhəmməd Salah və 87-ci dəqiqədə belçikalı hücumçu Divok Oriqinin vurduğu qollarla qalib gəlib.

Bununla da  “Liverpul” klubu altıncı dəfə bu turnirin qalibi olub.

23:09

UEFA Çempionlar Liqasının final matçında hesab erkən açılıb.

Oxu.Az xəbər verir ki, 1-ci dəqiqədə seneqallı Sadio Manenin cərimə meydançası daxilində zərbəsi fransalı Mussa Sissokonun qoluna dəyib.

Bu üzdən sloveniyalı referi Damir Skomina penalti nöqtəsini göstərib. Penaltini misirli Məhəmməd Salah dəqiq yerinə yetirib – 1:0.

22:47

UEFA Çempionlar Liqasının final matçında üz-üzə gələcək komandaların start heyətləri açıqlanıb. 

Oxu.Az xəbər verir ki, komandalar meydana aşağıdakı heyətlərlə çıxacaq:

“Tottenhem”: Üqo Lyoris, Kiran Tripyer, Tobi Alderveyreld, Yan Vertonqen, Dəni Rouz, Mussa Sissoko, Hari Uinks, Dele Ali, Kristian Eriksen, Hın-Min Son, Hari Keyn

“Liverpul”: Alison Beker, Endryu Robertson, Vircil van Deyk, Joel Matip, Trent Aleksander-Arnold, Corcinio Veynaldum, Fabinyo, Cordan Henderson Sadio Mane, Roberto Firmino, Məhəmməd Salah.  

Səbuhi MUSAYEV