Braziliyalı futbolçu yenidən “Neftçi”də

Futbolçu Dario Frederiko “Neftçi”yə qayıdıb.

Bakı klubunun məlumatına əsasən, braziliyalı futbolçu ilə 2 il müddətinə müqavilə imzalanıb.

27 yaşlı yarımmüdafiəçi komandamızın heyətində 10 nömrəli formanı geyinəcək.

Qeyd edək ki, Dario 2018-ci ildə "Neftçi”nin heyətində 17 oyunda 3 qol vurub. O, Braziliyanın "Flamenqo” (2012-2014), "Fernandopolis” (2013), "Quaratingeta” (2014), Portuqaliyanın "Trofensi” (2014-2015), Azərbaycanın "Kəpəz” (2015-2018) və Cənubi Koreyanın "Sonnam” (2017) və "Daequ” (2019) klublarında çıxış edib.