Neymarın bütün daşınmaz əmlakına həbs qoyuldu

San-Paulu məhkəməsi “PSJ”-nin hücumçusu Neymarın vergi borclarına görə bütün daşınmaz əmlakına həbs qoyub. Bu barədə “Sovetskiy sport” məlumat verib.

Braziliyalı futbolçunun müvəqqəti olaraq 36 daşınmaz əmlak obyektini itirdiyi bildirilir. Onların əksəriyyəti Neymarla əlaqəsi olan firmalara aiddir. Onun əlindən alınan daşınmaz əmlak siyahısında hər birinin qiyməti 10 milyon avro olan iki villa da var.

Neymar 2013-cü ildə “Santos” komandasından “Barselona”ya transfer olunarkən vergilərini ödəməməkdə ittiham olunur. Braziliya hökuməti futbolçudan 11 milyon avro tələb edir.