10 
İyl
2019
18:03
164
31
2020
Virtual karabakh

Albaniyada oynamış futbolçumuz: “Qarabağ” “Partizani”dən üstündür

Albaniyada oynamağımın üstündən iki il keçdiyindən, “Partizani”nin indiki heyətindən xəbərim yoxdur. Amma onu deyə bilərəm ki, “Partizani” Tirananın iki ən yaxşı komandasından biri hesab edilir. Yaxşı azarkeşləri var.

Bunu Oxu.Az-a açıqlamasında “Qarabağ”ın sabiq futbolçusu Rauf Əliyev deyib.

2017/2018 mövsümündə altı ay Albaniyanın “Kukesi” klubunda çıxış etmiş hücumçu hazırda “Neftçi”də top qovur. Bakı klubu ilə Moldovada səfərdə olan R.Əliyev bu gün UEFA Çempionlar Liqasında “Qarabağ”ın qarşılaşacağı “Partizani”yə qarşı oynadığını bildirib. O qeyd edib ki, həmin vaxt Tirana klubu zəif çıxış edirdi: 

“Partizani” həmişə iddialı olub. Amma mən oynadığım vaxt bu komanda zəif çıxış edirdi. Orta sıralarda qərarlaşmışdı. Səhv etmirənsə, bu komandanın qapısına qol vurmamışam. Amma düşünürəm ki, “Qarabağ” bu komandadan üstündür. Turu keçən komandanın da “Qarabağ” olacağını fikirləşirəm”.

Qeyd edək ki, “Qarabağ” bu gün Bakı vaxtı ilə saat 19:30-da “Partizani” ilə qarşılaşacaq. 

Səbuhi Musayev

Bizimlə əlaqə saxlayın

Digər İdman xəbərləri