İdman gimnastlarımız EYOF-2019-a uğurlu başladı

Azərbaycanın idman gimnastları Bakıda keçirilən Avropa Gənclər Olimpiya Festivalında ilk çıxışlarını başa vurub.

Oxu.Az-ın xəbərinə görə, Mənsum Səfərov, Səməd Məmmədli və Ağakazım Rüstəmovdan ibarət komandamız çoxnövçülükdə debüt edib.

Komandamızla yanaşı, İslandiya, Kipr, Polşa, Avstriya və Belarus idmançıları yarışıb.

Gimnastlarımızın çıxışı hakimlər tərəfindən yüksək qiymətləndirilib. Hazırda komandamız ilk çıxışlardan sonra I sıradadır.

Saat 13:45-dən etibarən yenidən start götürəcək ikinci və üçüncü qrup çıxışlarından sonra komandamızın medal qazanıb-qazanmadığına aydınlıq gələcək.

Səbuhi Musayev