Sen
2019
14:01
120
29
1625
Virtual karabakh

Azərbaycan Gimnastika Federasiyası ağacəkmə aksiyası təşkil edir

6 Sen, 2019
14:01
1625

Azərbaycan Gimnastika Federasiyası ağacəkmə aksiyası təşkil edir

Bizim WhatsApp kanalımıza buradan abunə ola bilərsiniz

Azərbaycan Gimnastika Federasiyası 16-22 sentyabrda baş tutacaq bədii gimnastika üzrə 37-ci dünya çempionatı zamanı ağacəkmə aksiyası təşkil edəcək.

Federasiyanın məlumatına əsasən, ağacəkmə aksiyası yarışlar başlamazdan bir gün öncə - sentyabrın 15-i saat 16:00-da Milli Gimnastika Arenasının parkında keçiriləcək.

Tədbir 2019-cu ilin dünya çempionatının bədii gimnastika üzrə səfiri, 1996-cı ildə keçirilmiş Olimpiya Oyunlarının gümüş medalçısı Yana Batırşina və yarışların dünya şöhrətli ulduz gimnastlarının iştirakı ilə baş tutacaq.

Ağacəkmə aksiyasında iştirak edən gimnastlar təmsil etdikləri ölkə adından ağac əkməklə, çempionat zamanı bütün dünyaya sülh və ətraf mühitin mühafizəsi mesajını verərək ictimaiyyətin diqqətini cəlb edəcəklər.

Aksiyanın keçirilməsində əsas məqsəd ağac əkməklə ekoloji tarazlığın bərpasına, ətraf mühitin qorunmasına kömək etmək, atmosferi oksigenlə zənginləşdirmək, ictimaiyyətin diqqətini yaşıllıqların qorunmasına yönəltmək, eləcə də insanların, xüsusilə, gənc nəsli ekoloji problemlərə daha həssas yanaşmağa və bununla bağlı birgə fəaliyyətə səsləməkdən ibarətdir.

Bizimlə əlaqə saxlayın

Digər İdman xəbərləri