Dünya və Avropa çempionumuz dopinq qalmaqalından sonra ilk böyük turnirinə çıxır

18-27 sentyabr tarixlərində Tailandın Pattaya şəhərində ağır atletika üzrə kişilər arasında 85-ci, qadınlar arasında 28-ci dünya çempionatı keçiriləcək. 

Oxu.Az xəbər verir ki, 105 ölkədən 734 atletin (395 kişi və 339 qadın) iştirak edəcəyi yarış həm də 2020-ci il Tokio Olimpiya Oyunlarına lisenziya xarakteri daşıyan turnir olacaq.

Çempionatda Azərbaycan yığma komandasının üç üzvü də iştirak edəcək. Baş məşqçi Asif Məmmədovun rəhbərliyi altında aşağıdakı körpücük üzərinə qadın millimizdən Səbinə Əzimova (-55 kq) və bolqarıstanlı legionerimiz Boyanka Kostova (-59 kq) çıxacaq. Kişi millimizi isə yalnız Nailxan Nəbiyev (-96 kq) təmsil edəcək.

Qeyd edək ki, dünya və üçqat Avropa çempionumuz Boyanka Kostova 2012-ci il Olimpiadasında dopinqdən istifadə etdiyi üçün cəzalandırılmışdı. Ötən ilin iyununda cəzasını başa vuran 26 yaşlı idmançı diskvalifikasiyadan sonra ilk böyük turnirinə məhz Tailandda start verəcək.

Səbuhi Musayev