Ramil Quliyev birinci, Nazim Babayev isə ikinci oldu

Türkiyəni təmsil edən azərbaycanlı atlet Ramil Quliyev "Gloria Cup" turnirinin qalibi olub. 

“Habertürk” xəbər verir ki, Antalyada keçirilən yarışda kişilər arasında 200 metr məsafəyə qaçışda R.Quliyev bütün rəqiblərini geridə qoyub. 

R.Quliyev bu məsafəni 20,08 saniyəyə qət edib. Ötən il isə o bu yarışda 200 metr məsafəni 20,55 saniyəyə qaçmışdı. 

“Gloria Cup”da 21 ölkədən 70 idmançı müxtəlif növlərdə yarışıb.

Bu yarışda Azərbaycanı üç təkanla tullanmada təmsil edən Nazim Babayev isə ikinci yeri tutub.