“Qalatasaray” uduzdu, PSJ, “Tottenhem” və “Mançester Siti”dən darmadağın - YENİLƏNİB

Çempionlar Liqasında qrup mərhələsinin III turuna start verilib.  

Oxu.Az xəbər verir ki, ilk gündə A, B, C və D qruplarında oyunlar keçirilib. 

A qrupunda “Qalatasaray” turnirin ən titullu klubu “Real”ı qəbul edib. İlk iki turda qələbə üzü görməyən rəqiblərin duelində qonaqlar sevinib – 1:0.  

Qrupun digər matçında PSJ səfərdə “Brügge”ni darmadağın edib – 5:0. 

B qrupunun lideri “Bavariya” “Olimpiakos”un qonağı olub. Bol qollu matçda Münhen təmsilçisi çətin qələbəyə sevinib – 3:2. 

“Tottenhem” də “Srvena Zvezda”ya şans verməyib - 5:0. 

C qrupunda itkisiz irəliləyən “Mançester Siti” doğma arenasında autsayder “Atalanta”nı sınağa çəkib. Hesabı qonaqlar açsa da, sonda “şəhərlilər” darmadağına sevinib. 

D qrupunda favoritlər “Yuventus” və “Atletiko” ev oyununa çıxıb. Turin təmsilçisi Moskva “Lokomotiv”ini, Madrid klubu isə “Bayer”i məğlub yola salıb. 

Çempionlar Liqası 

Qrup mərhələsi, III tur 

22 oktyabr 

A qrupu 

“Qalatasaray” (Türkiyə) - “Real” (İspaniya) 0:1 
Qol: Kroos, 18. 

“Brügge” (Belçika) – PSJ (Fransa) 0:5 
Qol: İkardi, 7; 63. Mbappe, 61; 79; 83  

B qrupu 

“Tottenhem” (İngiltərə) – “Srvena Zvezda” (Serbiya) 5:0 
Qol: Keyn, 9; 72. Min, 16; 44. Lamela, 57. 

“Olimpiakos” (Yunanıstan) – “Bavariya” (Almaniya) 2:3 
Qol: El Arabi, 23. Gilyerme, 79 – Levandovski, 34; 62. Tolisso, 75. 

C qrupu 

“Şaxtyor” (Ukrayna) – “Dinamo” (Xorvatiya) 2:2 
Qol: Konoplyanka, 16. Dodo, 75 – Olmo, 25. Orşiç, 60. 

“Mançester Siti” (İngiltərə) - “Atalanta” (İtaliya) 5:1 
Qol: Aquero, 34; 38-pen. Sterlinq, 58; 64; 69 – Malinovski, 28-pen.  

D qrupu 

“Atletiko” (İspaniya) – “Bayer” (Almaniya) 1:0 
Qol: Morata, 78. 

“Yuventus” (İtaliya) - “Lokomotiv” (Rusiya) 2:1 
Qol: Dibala, 77; 79 - Mirançuk, 30. 

22 oktyabr, 10:42

Bu gün UEFA Çempionlar Liqasının qrup mərhələsində III tura start veriləcək.

Oxu.Az xəbər verir ki, A, B, C və D qruplarında I dövrənin son matçları keçiriləcək.

A qrupunda Türkiyə çempionu “Qalatasaray” turnirin ən titullu klubu “Real”ı qəbul edəcək. Bu matç hesabında hələ qələbə olmayan rəqiblərin hər ikisi üçün çox vacibdir. Qrupun lideri PSJ isə Belçikada “Brüj”ün qonağı olacaq.

B qrupunun lideri “Bayern” “Olimpiakos”la üz-üzə gələcək. Bu qrupun digər oyununda İngiltərədə işləri yolunda getməyən “Totenhem” “Srvena Zvezda” ilə qarşılaşacaq.

“Mançester Siti” lideri olduğu C qrupunun autsayderi “Atalanta”nı sınağa çəkəcək. II yerin şərikləri “Şaxtyor”la “Dinamo” öz aralarında münasibətlərini aydınlaşdıracaq.

D qrupunda “Yuventus”la “Atletiko” ev oyunlarına çıxacaq. Onlar müvafiq olaraq “Lokomotiv” və “Bayer”lə görüşəcək.

A qrupu 

23:00 “Qalatasaray” (Türkiyə) – “Real” (İspaniya)
23:00 “Brüj” (Belçika) – PSJ (Fransa)

1. PSJ 6
2. Brüj 2
3. Qalatasaray 1
4. Real 1

B qrupu

23:00 “Totenhem” (İngiltərə) – “Srvena Zvezda” (Serbiya) 
23:00 “Olimpiakos” (Yunanıstan) – “Bayern” (Almaniya)

1. Bayern 6
2. Srvena Zvezda 3
3. Olimpiakos 1
4. Totenhem 1

C qrupu

20:55 “Şaxtyor” (Ukrayna) – “Dinamo” (Xorvatiya)
23:00 “Mançester Siti” (İngiltərə) – “Atalanta” (İtaliya) 

1. Mançester Siti 6
2. Dinamo 3
3. Şaxtyor 3
4. Atalanta 0

D qrupu

20:55 “Atletiko” (İspaniya) – “Bayer” (Almaniya)
23:00 “Yuventus” (İtaliya) – “Lokomotiv” (Rusiya)

1. Yuventus 4
2. Atletiko 4
3. Lokomotiv 3
4. Bayer 0

Səbuhi Musayev