22 
Noy
2019
16:40
47
125
3387
Virtual karabakh

Avro-2020-yə könüllü qeydiyyatında Bakı 12 şəhər arasında birincidir

22 Noy, 2019
16:40
3387

Avro-2020-yə könüllü qeydiyyatında Bakı 12 şəhər arasında birincidir

Bizim WhatsApp kanalımıza buradan abunə ola bilərsiniz

Avro-2020-nin Bakı Olimpiya Stadionunda keçiriləcək üç qrup oyunu, eləcə də, 1/4 final mərhələsi qarşılaşması ilə əlaqədar yaradılmış Əməliyyat Qrupu tədbirə hazırlıq məqsədilə oktyabrın 15-dən noyabrın 15-dək Bakının 18 ali təhsil ocağında tələbələr, tələbə gənclər təşkilatları və müəllim heyəti üçün Könüllülər Proqramının təqdimatını keçirib.

Oxu.Az xəbər verir ki, Könüllülər Proqramına qeydiyyat prosesi üçün son müraciət tarixi noyabrın 30-udur.

Bugünədək altı mindən çox könüllü qeydiyyata alınıb ki, bu göstərici ilə Avropa çempionatına ev sahibliyi edəcək 12 şəhər arasında Bakı birincidir.

Proqramın müsahibə mərhələsinə isə sentyabrın 30-dan start verilib. Bakı Olimpiya Stadionunun İnformasiya Mərkəzində dekabrın 28-dək davam edəcək müsahibə mərhələsində bugünədək dörd mindən çox namizəd iştirak edib.

Qeydiyyat üçün müraciət edən könüllülər arasında 15-dən artıq ölkəni əhatə edən 600-ə yaxın beynəlxalq namizəd var. Onlar, əsasən, Ukrayna, Rusiya və Asiya ölkələrindəndir. Hazırda həmin könüllülərlə də onlayn müsahibələr təşkil olunur və yekunda 300 beynəlxalq könüllünün seçilməsi nəzərdə tutulub.

Qeyd edək ki, Könüllülər Proqramı nəinki tələbələr, həmçinin, qitə əhəmiyyətli idman tədbirinin bir hissəsi olmaq istəyən hər kəsə açıqdır.

Bizimlə əlaqə saxlayın

Digər İdman xəbərləri