Dek
2019
20:00
204
15
2771
Virtual karabakh

Azərbaycanın iki taekvondoçusu ilin son yarışında medal qazandı

Rusiyanın paytaxtı Moskvada keçirilən Qran-Pri turnirinin final mərhələsində üç taekvondoçumuzdan ikisi medal qazanıb.  

Oxu.Az xəbər verir ki, 80 kq çəki dərəcəsində mübarizə aparan Milad Beiqi Hərçəqani braziliyalı Miqel Martinsi və özbəkistanlı Nikita Rafaloviçi məğlub edərək finala vəsiqə qazansa da, həlledici döyüşdə Rusiya təmsilçisi Maksim Xramtsova məğlub olaraq turniri gümüş medalla başa vurub.  

Radik İsayev (+80 kq) isə bürünc medalla kifayətlənib.  

Digər idmançımız Cavad Ağayev (-68 kq) elə ilk döyüşündə britaniyalı Bredli Sindenə məğlub olaraq yarışı erkən tərk edib.  

Xatırladaq ki, 42 ölkədən 128 taekvondoçunun qatıldığı yarışlar Moskva şəhərinin “Dinamo” idman arenasında keçirilir. İlk pillədə yer alan idmançı aktivinə 80, ikinci yer 48, üçüncü yerə sahib olan idmançı isə 28.8 reytinq xalı əlavə edir. 

Səbuhi Musayev 

Bizimlə əlaqə saxlayın

Digər İdman xəbərləri