Qvardioladan futbolçulara Yeni il qadağası

“Mançester Siti” klubunun baş məşqçisi Xose Qvardiola futbolçuların Yeni il şənliyində iştirakını qadağan edib.

Məlumatı “Goal” idman dərgisi yayıb.

İspaniyalı mütəxəssis hesab edir ki, ziyafət məclisi futbolçuların gələcək oyuna köklənməsinə mane ola bilər. Futbolçular ötən gün şəhərin mərkəzində yerləşən klubların birində keçirilən ziyafətdən kənarda qalıblar.

Qeyd edək ki, hər il mütəmadi olaraq keçirilən Yeni il ziyafətinə futbolçuların buraxılmaması klub tarixində ilk belə haldır.