Apr
2020
12:58
26
272
3099
Virtual karabakh

Millimizin güləşçisi: “Sinif yoldaşımda virus tapılmışdı”

“Dostumun toyuna görə İrana getməli idim. Çoxdandır ki, Güneyə getmirəm. Koronavirusa görə sərhədlər bağlandı, toy da təxirə salındı. Yoxsa istəyirdim ki, gedib 10 günə yaxın orada qalım”.

Bunu Oxu.Az-a çimərlik güləşi üzrə millimizin üzvü Oyan Nəzəriani deyib.

Urmiya doğumlu idmançımız daha çox Bakıda evdə qaldığını söyləyib:

“Mübarizəni hamı kimi evdə qalmaqla aparıram. Arabir marketə gedəndə maska taxıram. Adi həyatımıza qayıtmaq istəyirəm. Ümid edirəm ki, bu bəla tezliklə dünyadan gedəcək”.

O daha sonra yaxınları barədə danışıb:

“Şükür Allaha ki, Güneydə yaxınlarımdan heç kim virusa yoluxmayıb. Amma İstanbulda təhsil alan sinif yoldaşım Əmir Sadiqdə virus tapılmışdı. O da üç həftəyə bu virusa qalib gəldi”.

Qeyd edək ki, beşqat Azərbaycan çempionu olan Oyan Nəzəriani yunan-Roma güləşi üzrə millimizlə Dünya Kubokunda ikinci yeri tutub.

Səbuhi Musayev

Bizimlə əlaqə saxlayın

Digər İdman xəbərləri