“Sumqayıt”ın qapıçısı: “Dostlarım koronavirusa yoluxub”

“Dostlarımın və qohumlarımın çoxu koronavirusa yoluxub”.

Bunu Report-a açıqlamasında “Sumqayıt” futbol klubunun qapıçısı Mehdi Cənnətov Dağıstandakı durumla bağlı danışarkən deyib.

29 yaşlı qolkiper xəstəxanalarda insanların çox olduğunu söyləyib:

“Mənim ailə üzvlərimdən virusa yoluxan olmayıb. Ümid edirəm ki, bu kabus tezliklə bitəcək”.

Qeyd edək ki, Mehdi Cənnətov 2017-ci ildən “Sumqayıt”da çıxış edir. Dağıstan əsilli qapıçı 2019-cu ilin sonlarında Azərbaycan millisinin heyətinə dəvət alıb, lakin əsas komandada debüt etməyib.