Milli komandamızın qapıçısı “Sabah”la anlaşdı

“Sabah” klubu heyətini yeni futbolçu ilə gücləndirib.

Oxu.Az xəbər verir ki, gənc qapıçı Nicat Mehbalıyev bundan sonra Bakı klubunun uğurları üçün çalışacaq.

Azərbaycan U-21 millisinin üzvü olan qolkiperlə 3 illik müqavilə bağlanıb.

19 yaşlı qapıçı karyerası ərzində “Qarabağ” və “Sumqayıt” klublarında çıxış edib.

Qeyd edək ki, “Sabah” daha öncə Amin Seydiyev, İdris İnqilablı, Samir Məhərrəmli və Slavik Alxasovun keçidini rəsmiləşdirib.