Beyl sabah London klubu ilə müqavilə bağlayacaq
Beyl sabah London klubu ilə müqavilə bağlayacaq
Uelsli ulduz futbolçu Qaret Beylin yenidən “Tottenhem”ə qayıdışı reallaşır.
Bu barədə idman jurnalisti Fabritsio Romano öz “Twitter” hesabında məlumat verib.
O bildirib ki, futbolçu sabah Madriddən Londona yola düşəcək. O, tibbi baxışdan keçdikdən sonra “Tottenhem”lə bir illik icarə müqaviləsi bağlayacaq.
Gareth Bale to Tottenham, here we go! Last details to be sorted about salary [shared with Real Madrid] and Gareth will fly tomorrow to London. He’ll complete medicals and join #THFC - one year loan. Mourinho approved the deal. Reguilon expected for tomorrow too [100% done]. ⚪️
— Fabrizio Romano (@FabrizioRomano) September 17, 2020
Qeyd edək ki, Qaret Beyl 2007-2013-cü illərdə London klubunda çıxış edib. 203 matça 56 qol vurub, 58 məhsuldar ötürməyə imza atmış 31 yaşlı futbolçu 2013-cü ildə 101 milyon avroya Madrid “Real”ına keçib. O, İspaniyada 251 matç keçirib, 105 qol vurub və 68 məhsuldar ötürmə ilə yadda qalıb. Hazırda onun transfer dəyəri 28 milyon avro dəyərləndirilir.
Səbuhi Musayev