24 
Okt
2020
15:10
415
26
3698
Virtual karabakh

UEFA-nın qərarından sonra AFFA-ya dəstək göstərən federasiyalar var

24 Okt, 2020
15:10
3698

UEFA-nın qərarından sonra AFFA-ya dəstək göstərən federasiyalar var

Bizim WhatsApp kanalımıza buradan abunə ola bilərsiniz

“Komandalarımızın beynəlxalq turnirlərdə ev oyunlarını alternativ ölkələrdə keçirməsi barədə UEFA-nın qərarından sonra AFFA-ya dəstəyini göstərən, bununla bağlı bizə və UEFA-ya məlumat verən federasiyalar var”.

Bunu “Report”a açıqlamasında AFFA-nın icraçı vitse-prezidenti Elxan Məmmədov deyib.

Assosiasiya rəsmisi Ukrayna Futbol Federasiyası rəhbərliyinin qurumla əlaqə saxladığını vurğulayıb:

“Onlar bildirdilər ki, Azərbaycan komandalarının - həm milli, həm də klub səviyyəsində istənilən ev oyununun təmənnasız şəkildə Ukraynada təşkilinə hərtərəfli dəstək göstərməyə hazırdırlar. Bu dəstəyə görə Ukrayna Futbol Federasiyasına təşəkkürümüzü bildirdik və qeyd etdik ki, gələcək oyunlarda zərurət yaranarsa, bu məsələ nəzərdən keçirilə bilər”.

Məmmədov “Qarabağ”ın UEFA Avropa Liqasının qrup mərhələsinin II turunda İspaniya “Vilyarreal”ını Türkiyənin İstanbul şəhərində qəbul edəcəyini xatırladıb:

“Oyunun məhz Türkiyədə baş tutması üçün AFFA və “Qarabağ” klubu birgə UEFA ilə danışıqlar apardı və təkidimizdən sonra Avropa futbol qurumu bu qərarı qəbul etdi. Göstərdiyi dəstəyə görə Türkiyə Futbol Federasiyasına təşəkkür edirik”.

Qeyd edək ki, “Qarabağ” - “Vilyarreal” matçı oktyabrın 29-da “Başakşehir Fatih Terim” stadionunda baş tutacaq. UEFA-nın qərarına əsasən, Ağdam təmsilçisi və Azərbaycan millisi ölkədəki vəziyyətlə əlaqədar ev oyunlarını neytral meydanda keçirməlidir.

Bizimlə əlaqə saxlayın

Digər Cəmiyyət xəbərləri