19 
Noy
2020
20:52
1281
30
5209
Virtual karabakh

Orxan Səfərov ilk dəfə Avropa çempionu oldu - YENİLƏNİB/FOTO

Çexiyanın paytaxtı Praqada keçirilən cüdo üzrə Avropa çempionatında Orxan Səfərov ilk dəfə qitənin ən güclüsü olub.

IV İslam Həmrəyliyi Oyunlarının ikiqat qızıl medalçısı, dünya və Avropa çempionatlarının mükafatçısı olmuş Orxan Səfərov Manuel Lombardodan sonra Matey Polyak, Zebastian Zaydl (Almaniya) və Straxinya Bunçiçi (Serbiya) məğlub edib. O, finalda dünya və Avropa çempionatının mükafatçısı Tal Flikerdən (İsrail) üstün olub.

Qeyd edək ki, Orxan Səfərov 2015-ci ildə Bakıda (I Avropa Oyunları) və 2016-cı ildə Kazanda qitə çempionatının finalına çıxsa da, gümüş medalla kifayətlənmişdi.

İlk gündə digər beş cüdoçumuz ilk və ya ikinci qarşılaşmasında məğlub olub.

14:41

Çexiyanın paytaxtı Praqada cüdo üzrə Avropa çempionatına start verilib.

Artıq üç cüdoçumuz mübarizəyə qoşulub.

66 kq çəki dərəcəsində Orxan Səfərov Manuel Lombardonu (İtaliya) və Nicat Şıxəlizadə Vadim Buneskunu (Moldova) məğlub edib. Onların növbəti rəqibləri müvafiq olaraq Matey Polyak (Slovakiya) və Kilian Le Bluş (Fransa) olacaq.

Qadınların mübarizəsində 52 kq çəki dərəcəsində bu ay Xorvatiyada keçirilmiş 23 yaşadək cüdoçuların Avropa çempionatında gümüş medal qazanmış Gültac Məmmədəliyeva uğursuz çıxış edib. O, ilk görüşündə Tetyana Levitska-Şukvani (Gürcüstan) ilə qarşılaşmada uduzaraq mübarizəni dayandırıb.

57 kq çəki dərəcəsində rumıniyalı legionerimiz Aleksandra-Larisa Florian ilk görüşdə Sanne Verhaqenə (Niderland) uduzaraq mübarizəni başa vurub.

Bu gün həmçinin, 48 kq çəki dərəcəsində Aişə Qurbanlı Distria Krasniçi (Kosovo) ilə qarşılaşacaq. Bu çəkidə digər idmançımız Leyla Əliyeva Katarina Mentslə (Almaniya) güləşəcək.

Qeyd edək ki, Avropa çempionatında Azərbaycan 14 cüdoçu (doqquz kişi və beş qadın) ilə təmsil olunur.

Səbuhi Musayev

Bizimlə əlaqə saxlayın

Digər İdman xəbərləri