Tuxel: “Uzun illər komandamda Kantenin olmasını istəmişəm”

“Çelsi”inin yeni baş məşqçisi Tomas Tuxel komandanın sükanı arxasındakı ilk qarşılaşmadan (“Vulverhempton”a qarşı) sonra London klubunun heyəti barədə düşüncələrini səsləndirib.

Bu barədə “Goal” nəşri məlumat yayıb.

“Ən maraqlısı odur ki, komandaya mövsümün ortasında qoşulursan, ancaq artıq Kay Xaverts, Timo Verner və Antonio Rüdiger kimi oyunçularla tanışsan. Mən uzun illər komandamda Nqolo Kantenin olmasını istəmişəm, indi buradadır”, - deyə Tomas Tuxel bildirib.

Baş məşqçi istər Dortmund, istərsə də Parisdə olarkən Premyer Liqanı izlədiyini və buna görə də yeni komandasının heyətinin nəyə qadir olduğunu bildiyini söyləyib.