“Böyük Dəbilqə”də son gün: Beş idmançımız mübarizəyə qoşulur
“Böyük Dəbilqə”də son gün: Beş idmançımız mübarizəyə qoşulur
İsrailin paytaxtı Təl-Əvivdə keçirilən “Böyük Dəbilqə” yarışı bu gün yekunlaşacaq.
Oxu.Az xəbər verir ki, bu gün Azərbaycanın daha beş kişi cüdoçusu mübarizəyə başlayacaq.
Kişilər
-90 kq. Olimpiadaya lisenziyanı böyük ölçüdə təmin etmiş Məmmədəli Mehdiyev 1/16 finalda Orelyan Dyesslə (Fransa) üz-üzə gələcək.
-100 kq. Ötən ay Qətərin paytaxtı Dohada keçirilmiş “Masters” turnirində gümüş medal qazanmış Zelim Kotsoyev 1/16 finalda Boris Qeorgiyevlə (Bolqarıstan), eyni çəkidəki Elmar Qasımov isə Yoakim Dvarbi (İsveç) ilə qarşılaşacaq. Çox maraqlıdır ki, iki cüdoçumuz 1/4 finalda bir-birləri ilə üzləşə bilərlər.
+100 kq. Uşanqi Kokauri Yur Spiykersin (Niderland), Camal Feyziyev isə meydan sahibi Serafim Kompanyezin (İsrail) müqavimətini qırmağa çalışacaq.
Qeyd edək ki, yarışın ilk günündə Azərbaycan təmsilçilərindən Davud Məmmədsoy (-60 kq) qızıl medal qazanıb.
Səbuhi Musayev