“Barselona”nın keçmiş prezidenti sərbəst buraxılıb

İspaniyanın istintaq məhkəməsi ötən gün polisin apardığı əməliyyat nəticəsində saxlanılan “Barselona”nın keçmiş prezidenti Xosep Bartomeunu sərbəst buraxılması barədə qərar çıxarıb.

TASS agentliyi xəbər verir ki, qərar Kataloniya Ali Məhkəməsi tərəfindən verilib.

X.Bartomeu və məsləhətçisi Jaume Masferrer məhkəmə qarşısına şübhəli şəxs qismində çıxıb.

Hər iki şəxs ifadə verməmək hüququndan yararlanıb.

Məhkəmə onları müvəqqəti azad etməyə qərar verib.