Çəki prosedurunda geyimi ilə təəccübləndirən boksçu döyüşdən sonra nəticələri göstərdi - VİDEO

Avstraliyalı boksçu Ebani Brics britaniyalı idmançı Şanon Kortneylə “WBA International”ın yüngül çəki dərəcəsi uğrunda mübarizəsində məğlub olub.

Bu barədə “RİA Novosti” xəbər yayıb.

Döyüş on raund davam edib və hakimlər yekdilliklə Kortneyin lehinə qərar verib. Bu məğlubiyyət Brics üçün peşəkar boks karyerasında ilk olub. O əvvəllər keçirdiyi beş döyüşün hamısında qalib gəlib.

Döyüşdən sonra 34 yaşlı Brics “Twitter”də məğlubiyyətinin nəticələrini göstərib.

Qeyd edək ki, Kortney ilə döyüşdən əvvəl avstraliyalı idmançı çəki proseduru üçün geyimlə hər kəsi təəccübləndirmişdi. Bununla bağlı video internetdə sürətlə yayılmışdı.