17 
Apr
2021
17:31
82
36
1967
Virtual karabakh

“Avro-2020 Könüllü Kuboku” yarışının püşkatma mərasimi keçirildi - FOTO

17 Apr, 2021
17:31
1967

“Avro-2020 Könüllü Kuboku” yarışının püşkatma mərasimi keçirildi - FOTO

Bizim WhatsApp kanalımıza buradan abunə ola bilərsiniz

Azərbaycan Futbol Federasiyaları Assosiasiyasının (AFFA) təşəbbüsü və təşkilatçılığı, Azərbaycan Respublikası Gənclər Fondu və Azərbaycan Könüllü Təşkilatları İttifaqının tərəfdaşlığı ilə Azərbaycan könüllüləri arasında futbol üzrə “Avro-2020 Könüllü Kuboku” yarışının püşkatma mərasimi keçirilib.

Mərasim “Avro-2020”nin Bakıda keçiriləcək oyunlarının rəsmi səfiri, Azərbaycanın əfsanəvi futbolçusu, futbol veteranı Vəli Qasımov və “Avro 2020”nin Bakı Könüllülük Proqramının səfiri, tanınmış aktyor və rejissor Taleh Yüzbəyovun çıxışları ilə başlayıb. Qonaqlar çıxışlarında gənclər arasında fəal həyat tərzinin təbliği məqsədilə bu cür idman tədbirlərinin davamlı olaraq keçirilməsinin xüsusi əhəmiyyətini vurğulayıb, iştirakçı komandalara uğurlar arzu ediblər.

Daha sonra çıxış edən “AFFA və Avro-2020” Könüllülər Proqramının meneceri Yusif Vəliyev iştirakçıları yarışın təqvimi və qaydaları ilə tanış edib. Fəxri qonaqların iştirakı ilə keçirilən püşkatmanın nəticələrinə uyğun olaraq 1/4 final mərhələsində rəqib olacaq komandalar müəyyənləşdirilib.

Qeyd edək ki, 20 apreldən etibarən start götürəcək yarışda Azərbaycan könüllülərindən ibarət, 16 fərqli təşkilatı təmsil edən komandalar mübarizə aparacaq. Turnirin qalibləri AFFA tərəfindən dəyərli hədiyyələr, eləcə də kubok və medallarla mükafatlandırılacaqlar.

Bizimlə əlaqə saxlayın

Digər Cəmiyyət xəbərləri