Florentino Peres: “Təhdidlərə, təhqirlərə məruz qaldım”
Florentino Peres: “Təhdidlərə, təhqirlərə məruz qaldım”
Madridin “Real” klubunun prezidenti Florentino Peres Avropa Superliqası layihəsinin uğursuzluğa düçar olduğunu etiraf edib.
O, bu barədə “El Larguero” nəşrinə müsahibəsində deyib.
“Biz uzun illərdir bu layihə üzərində işləyirdik. Ancaq bəlkə də onu kifayət qədər aydın izah edə bilmədik. Mən bir az məyusam. Üç il çalışdıq, İspaniya futbolundakı mövcud maliyyə vəziyyəti ilə mübarizə apardıq”, - deyə F.Peres qeyd edib.
F.Peres bildirib ki, UEFA rəhbərliyi və La Liqa klublarının prezidentləri tərəfindən təzyiqlərə məruz qalıb:
“Heç vaxt buna bənzər bir şey görməmişdim: təhdidlər, təhqirlər...sanki kimisə qətlə yetirmişdik, futbolu öldürmüşdük”.
Fikrinin sonunda F.Peres əlavə edib ki, 2021-ci ildə Madrid “Real”ının gəlirləri 900 milyon avrodan 600 milyona düşüb.