Karate üzrə Premyer Liqanın Bakıda keçiriləcəyi tarix açıqlandı
Karate üzrə Premyer Liqanın Bakıda keçiriləcəyi tarix açıqlandı
Gələn il Bakıda keçiriləcək karate üzrə Premyer Liqa yarışının nə vaxt keçirilməsinə aydınlıq gəlib.
Oxu.Az-ın xəbərinə görə, Ümumdünya Karate Federasiyası (WKF) 2022-ci il üçün ehtimal olunan təqvimini açıqlayıb.
Təqvimə beş Premyer Liqa, dörd Gənclər Liqası və üç Seriya A yarışı salınıb. Bakıda keçiriləcək Premyer Liqa yarışı ilin dördüncü analoji turniri olacaq və 2-4 sentyabr tarixlərində baş tutacaq.
Bundan başqa, yeniyetmələr, gənclər və U-21-lərin Avropa çempionatının Çexiyanın paytaxtı Praqada (4-6 fevral), böyüklərin Avropa çempionatının Türkiyənin Qaziantep şəhərində (11-15 may), o cümlədən yeniyetmələrin, gənclərin və U-21-lərin dünya çempionatının Türkiyənin Konya şəhərində (26-30 oktyabr) keçirilməsi təsdiqlənib.
Qeyd edək ki, ötən ilin martında Avropa çempionatı və bu ilin martında Premyer Liqa yarışı Bakıda keçirilməli olsa da, pandemiya səbəbindən baş tutmayıb.
Səbuhi Musayev