“Barselona”nın sabiq ulduzu 39 yaşınadək futbol oynayacaq

İspaniyalı futbolçu Andres İnyesta Yaponiyanın “Visseru” klubundakı çıxışını davam etdirəcək.

Oxu.Az xəbər verir ki, bu gün 37 yaşını qeyd edən “Barselona”nın sabiq ulduzu Yaponiya klubu ilə 2023-cü ilin yayınadək müqavilə bağlayıb.

Bu isə o deməkdir ki, İnyesta ən azı 39 yaşınadək futbol oynayacaq.

Qeyd edək ki, Andres İnyesta 2018-ci ildə “Barselona”dan ayrıldıqdan sonra Yaponiyanın Kobe şəhərini təmsil edən kluba keçib. O, bu klubla 2019-cu ildə İmperiya Kubokunu, ötən il isə Yaponiya Super Kubokunu qazanıb.

Səbuhi Musayev