16 
May
2021
10:00
35
186
2538
Virtual karabakh

Polşalı idmançı Bakıdakı istilərdən şikayətləndi: “Onda havaya uduzdum”

2019-cu ildə Bakıda keçirilmiş Avropa Gənclər Olimpiya Festivalında iştirak etmiş polşalı atlet Mixal Qalikovski paytaxtımızdakı istidən şikayətlənib.

Oxu.Az-ın xəbərinə görə, artıq zədəsinə görə idmançı karyerasını bitirmiş Qalikovski Polşa mətbuatına müsahibəsində həmin anları belə xatırlayıb:

“Bakıdakı yarış yəqin ki mənim üçün ən yaddaqalan yarışlardan biridir. Onda Bakıda hava çox isti idi. Xatırlayıram ki, maykada necə məşq keçdim və bütün vaxtı kölgə axtardım. Yarımfinalın 20 dəqiqəlik isinmə hərəkətindən sonra bezdim. Mən onda şokda idim ki, Fransadan olan idmançılardan biri isinmə hərəkətinə bütöv idman geyimində çıxmışdı. Ondan sonra Yunanıstandan bir idmançı da idman geyimi və şlyapada arenaya çıxdı...

Bilmirəm, ola bilər ki, onlar buna öyrəşib. Hər halda, həmişə isti ilə aram pis olub (gülür). Mən yeddinci yerdə finişə çatdım. Onda havaya uduzdum. Qaçışdan sonra buzu başımda saxlayaraq uzun müddət uzandım. Mən ümumiyyətlə “Koka Kola” içən deyiləm. Amma onda bir litr şüşə “Sprayt”ı birnəfəsə başıma çəkdim. Yarışdan sonra heç vaxt özümü belə pis hiss etməmişdim”.

Qeyd edək ki, XV Avropa Gənclər Olimpiya Festivalı 2019-cu ilin 20-28 iyul tarixlərində Bakıda baş tutub.

Səbuhi Musayev

Bizimlə əlaqə saxlayın

Digər İdman xəbərləri