18 
May
2021
22:42
482
11
3032
Virtual karabakh

Güləşçilərimiz Avropa çempionatında bir qızıl, bir gümüş və iki bürünc medal qazandı - YENİLƏNİB+VİDEO

18 May, 2021
22:42
3032

Güləşçilərimiz Avropa çempionatında bir qızıl, bir gümüş və iki bürünc medal qazandı - YENİLƏNİB+VİDEO

Bizim WhatsApp kanalımıza buradan abunə ola bilərsiniz

Şimali Makedoniyanın paytaxtı Skopyedə keçirilən 23 yaşadək güləşçilər arasında Avropa çempionatının ikinci günündə sərbəst güləşçilərimiz 1 qızıl, 1 gümüş və 2 bürünc medal qazanıb.

Əliabbas Rzazadə (57 kq) 1/4 finalda Türkiyə idmançısını vaxtından əvvəl üstələyib. Daha sonra 2019-cu ildə Bakıda keçirilmiş Avropa Gənclər Olimpiya Festivalının qalibi olmuş İtaliya güləşçisini darmadağın edərək finala vəsiqə qazanıb. Həlledici görüşdə Rusiya təmsilçisinə uduzan Rzazadə gümüş medalla kifayətlənib. 

Zirəddin Bayramov (65 kq) ilk görüşdə rusiyalı idmançıya uduzub. Rəqib finala yüksəldiyi üçün həmyerlimiz təsəlliverici görüşə çıxıb. Moldova təmsilçisinə tam üstünlüklə qalib gələn Bayramov Belarusdan olan rəqibinə də eyni aqibəti yaşadaraq bürünc medala sahib olub.

Cəbrayıl Hacıyev (70 kq) Avropa çempionatına Gürcüstan pəhləvanı üzərindəki qələbəylə start verib. İsveçrə təmsilçisinə də heç bir şans tanımayan Hacıyev adını yarımfinala yazdırıb. Rusiya güləşçisiylə görüş olduqca gərgin mübarizə şəraitində keçib. Yekunda minimal hesabla qalib gələn Cəbrayıl finala adlayıb. Həlledici görüşdə Moldova güləşçisiylə çətin keçən mübarizədən də qalib ayrılan Hacıyev ilk dəfə qatıldığı U-23 Avropa çempionatının qızıl medalını qazanıb və Skopyedə himnimiz səslənib. 

İslam İlyasov debütdə Rusiya güləşçisinə məğlub olub. Rəqib finala yüksəldiyi üçün həmyerlimiz bürünc medal qazanmaq şansı əldə edib. Polşadan olan rəqib təsəlliverici görüşə çıxmadığı üçün İlyasov birbaşa 3-cü yer uğrunda qarşılaşmaya vəsiqə qazanıb. Son görüşdə Gürcüstan güləşçisini böyük hesabla məğlubiyyətə uğradan İslam ölkəmizə 2-ci bürünc medalı qazandırıb.

22:15

Şimali Makedoniyanın paytaxtı Skopyedə 23 yaşadək güləşçilər arasında Avropa çempionatı davam edir.

Azərbaycan Güləş Federasiyasından Oxu.Az-a verilən məlumata görə, 70 kq-da çıxış edən sərbəst güləşçimiz Cəbrayıl Hacıyev Gürcüstan, İsveçrə və Rusiyadan olan rəqiblərinə qalib gələrək finala yüksəlib.

Moldova güləşçisiylə gərgin mübarizə şəraitində keçən həlledici qarşılaşmadan da qalib ayrılan Cəbrayıl ilk dəfə qatıldığı U-23 Avropa çempionatının qızıl medalını qazanıb.

Həmin final qarşılaşmasının görüntülərini təqdim edirik:

Bizimlə əlaqə saxlayın

Digər İdman xəbərləri