Polşa televiziyası AVRO-2020 ölkələrinin bayraqlarını səhv salıb - FOTO

Polşanın “TVP Sport” telekanalının əməkdaşları ciddi səhvə yol veriblər.

Lenta.ru portalının məlumatına görə, kanalın efirində AVRO-2020-nin bugünki oyun proqramı açıqlanarkən yığma komandaların dövlət bayraqları yalnış əks olunub.    

Sonradan məlum olub ki, kanal əməkdaşları dünən qarşılaşan millilərin dövlət bayraqlarını efir maketində dəyişməyi unudublar. Məhz bu səbəbdən Ukrayna millisi Rusiya bayrağı ilə nişanlanıb. Həmçinin İngiltərə, Xorvatiya, Avstriya, Niderland və Şimali Makedoniyanın da dövlət bayraqları yalnış nümayiş edilib.