AVRO-2020-nin ilk turunun oyunlarından sonra stadionlara nə qədər azarkeş buraxılıb?
AVRO-2020-nin ilk turunun oyunlarından sonra stadionlara nə qədər azarkeş buraxılıb?
AVRO-2020-nin qrup mərhələsinin ilk turunu 207 098 tamaşaçı izləyib.
Oxu.Az xəbər verir ki, 12 qarşılaşma içərisində ən çox azarkeş Macarıstanın paytaxtı Budapeştdəki “Puşkaş Arena”da qeydə alınıb. Meydan sahiblərinin Portuqaliya ilə görüşündə 55 662 tamaşaçı stadionda olub.
Ən az azarkeş qəbul etmiş stadion isə Bakı Olimpiya Stadionu olub. Cəmi 8 782 tamaşaçı Uels – İsveçrə oyununu izləyib. Bu da həmin matçın azərbaycanlı azarkeşlərin diqqətini çox da cəlb etməməsi ilə bağlıdır. Məsələn, bu gün Bakı Olimpiya Stadionunda baş tutacaq Türkiyə – Uels matçında daha çox azarkeşin olacağı gözlənilir.
“Puşkaş Arena” (Budapeşt, Macarıstan) – 55 662
“Qazprom Arena” (Sankt-Peterburq, Rusiya) – 26 264 + 12 862 (cəmi - 39 126)
“Uembli” (London, İngiltərə) – 18 497
“Yohan Kroyff Arena” (Amsterdam, Niderland) – 15 837
“Parken” (Kopenhagen, Danimarka) – 13 790
“Alyans Arena” (Münxen, Almaniya) – 13 000
“Olimpiko” (Roma, İtaliya) – 12 906
“La Kartuxa” (Sevilya, İspaniya) – 10 559
“Hempden Park” (Qlazqo, Şotlandiya) – 9 847
“Natsional” (Buxarest, Rumıniya) – 9 082
Bakı Olimpiya Stadionu (Bakı, Azərbaycan) – 8 782
Qeyd edək ki, Azərbaycan hökuməti AVRO-2020-nin Bakıda keçiriləcək dörd oyununa stadionun ümumi tutumunun yalnız yarısının (35 min) dolmasına icazə verib.