AVRO-2020: Rusiya yığması qələbə qazandı - YENİLƏNİB + VİDEO

Rusiya yığması minimal hesabla Finlandiya millisinə qalib gəldi - 1:0

Matçda yeganə qolu ilk hissənin əsas vaxtına əlavə olunmuş 2-ci dəqiqədə Aleksey Mirançuk vurub.

Bu qələbədən sonra xallarını 3-ə çatdıran Rusiya yığması qrupda 2-ci pilləyə yüksəlib. Eyni xala malik Finlandiya yığması isə 3-cüdür.

Qeyd edək ki, bu qrupun Danimarka - Belçika matçı sabah oynanılacaq.

18:13

Oyunda hazırda ikinci hissə gedir. Hazırda meydan sahibi Rusiya 1:0 qalib gəlir. 

17:48

Rusiya millisi Aleksey Mirançukun 45+2-ci dəqiqədə vurduğu qolla hesabı açdı. Bu, Rusiya millisinin AVRO-2020-də ilk qoludur.

17:01

AVRO-2020-nin Finlandiya və Rusiya arasında keçirilən görüşü başlayıb.

Oxu.Az xəbər verir ki, artıq matçın 4-cü dəqiqəsində finlər qol vursa da, bu, oyundankənar vəziyyətə görə hesaba alınmayıb.

Sankt-Peterburqda keçirilən oyunda komandalar meydana bu taktiki düzülüş və heyətlə çıxıb.

Finlandiya (3-2-3-2): Hradetski, Toyvio, Arayuuri (kapitan), OŞonesi, Şüler, Kamara, Raytala, Lod, Uronen, Pukki, Pohyanpalo

Rusiya (4-3-3): Safonov, Kuzyayev, Cikiya, Diveyev, Mario Fernandes, Ozdoyev, Barinov, Zobnin, Qolovin, Dzyuba (kapitan), Aleksey Mirançuk.

Qeyd edək ki, ilk turdan sonra debütant Finlandiyanın üç xalı var, Rusiya isə xalsızdır.

Səbuhi Musayev