AVRO-2020: Niderland da 1/8 finala yüksəldi - YENİLƏNİB+VİDEO
AVRO-2020: Niderland da 1/8 finala yüksəldi - YENİLƏNİB+VİDEO
AVRO-2020-nin B qrupu çərçivəsində keçirilən Niderland - Avstriya oyunu birincilərin 2:0 hesablı qələbəsi ilə yekunlaşıb.
Bu nəticə ilə xalını 6-a yüksəldən Niderland millisi sonuncu oyunun nəticəsindən asılı olmayaraq 1/8 finala çıxmağı təmin edib.
Qeyd edək ki, daha əvvəl İtaliya və Belçika da növbəti mərhələyə çıxmağı təmin etmişdi.
00:39
Niderland ikinci qolu vurub.
Dumfris oyunun 67-ci dəqiqəsində komandasının üstünlüyünü möhkəmləndirib.
00:06
Oyunda ikinci hissə gedir. Niderland 1:0 qalib gəlir.
23:14
Niderland David Alabanın Denzel Dumfrisə qarşı etdiyi kobudluğa görə təyin olunan penaltidən hesabı açdı. Memfis Depay 11-ci dəqiqədə dəqiq oynadı. Niderland 1:0 qalib gəlir.
23:01
Niderland – Avstriya matçı ikincilərin topa toxunuşu ilə başladı.
22:14
Amsterdamın Yohan Kroyf adına stadionunda keçiriləcək Niderland – Avstriya görüşünün start heyəti açıqlanıb.
Oxu.Az xəbər verir komandalar meydana bu taktiki düzülüş və heyətlə çıxıb:
Niderland (5-3-2): Stekelenburq, Dumfris, De Vrey, De Lixt, Blind, van Aanholt, De Roon, Veynaldum (kapitan), Frank de Yonq, Veqhorst, Depay
Avstriya (4-4-2): Baxman, Ulmer, Hintereqer, Draqoviç, Layner, Alaba (kapitan), Laymer, Ksavyer Şlaqer, Baumqartner, Zabitser, Qreqoriç
Qeyd edək ki, bu matç saat 23:00-da başlayacaq. Komandaların hərəsinin üç xalı var. Qalib komanda 1/8 finala vəsiqə qazanan üçüncü milli olacaq.
Səbuhi Musayev