AVRO-2020-nin ən bol qollu matçı: Almaniya Portuqaliyaya qalib gəldi - YENİLƏNİB + VİDEO
AVRO-2020-nin ən bol qollu matçı: Almaniya Portuqaliyaya qalib gəldi - YENİLƏNİB + VİDEO
Portuqaliya – Almaniya oyunu ikincilərin 4:2 hesablı qələbəsi ilə başa çatdı. İki avtoqolun da vurulduğu bu matç AVRO-2020-nin hələ ki ən bol qollu matçı sayılır. Bu nəticə ilə Almaniya üç xal qazanaraq son tur öncəsi vəziyyətini düzəltmiş oldu və qrupda ikinci yerə yüksəldi.
21:30
Portuqaliya fərqi azaltdı. Bu dəfə Ronaldununun ötürməsindən sonra Diequ Jota 67-ci dəqiqədə fərqləndi. Portuqaliya Münxendə meydan sahiblərinə 2:4 hesabı ilə uduzur.
21:22
Alman maşını dayanmaq bilmir. Bu dəfə Robin Qosens 60-cı dəqiqədə fərqləndi. "Atalanta"nın futbolçusu artıq iki məhsuldar ötürmə və bir qol müəllifidir.
21:11
Almaniya daha bir qol vurdu. Bu dəfə Kay Haverts 51-ci dəqiqədə hesabı 3:1 etdi.
21:05
Portuqaliya – Almaniya oyununda ikinci hissə gedir. Almaniya 2:1 qalib gəlir.
20:39
Almaniya millisi ardıcıl iki avtoqolla hesabda önə çıxdı.
Əvvəlcə dördqat dünya çempionu Almaniya millisi hesabı 35-ci dəqiqədə bərabərləşdirdi. UEFA Çempionlar Liqasının finalçısı Ruben Dias öz qapısına qol vurdu – 1:1. Bu, Almaniya millisinin bu turnirdə ilk qolu sayılır.
Daha sonra 39-cu dəqiqədə Almaniya ikinci qolu vurdu. Bu dəfə Portuqaliya millisinin digər müdafiəçisi Rafael Qereyru avtoqola imza atdı.
20:17
Portuqaliya millisi 15-ci dəqiqədə hesabı açdı. Diequ Jotanın qapı önünə ötürməsindən sonra Kriştianu Ronaldu fərqlənməkdə çətinlik çəkmədi – 1:0. Bununla da Ronaldu turnirdə qollarının sayını üçə çatdırmaqla Çexiya millisinin forvardı Patrik Şikə çatdı.
20:01
AVRO-2020-nin F qrupunun Portuqaliya – Almaniya görüşü başlandı.
Oxu.Az xəbər verir ki, oyun Münxendə keçirilir.
Komandalar meydana bu taktiki düzülüş və heyətlə çıxıb.
Portuqaliya (4-2-3-1): Ruy Patrisiu, Nelson Semedu, Ruben Dias, Pepe, Qereyru, Vilyam Karvalyu, Danilo, Bernardu Silva, Bruno Fernandes, Dioqu Jota, Ronaldu (kapitan)
Almaniya (3-4-2-1): Noyer, Rüdiqer, Humels, Qinter, Qosens, Kroos, Gündoğan. Kimix, Müler, Haverts, Qnabri
Qeyd edək ki, bu matçda Portuqaliya qələbə qazanacağı halda, 1/8 finala vəsiqə qazanacaq.
Səbuhi Musayev