Macarıstan komandası “Neftçi” ilə oynamaqdan imtina etdi - FOTO
Macarıstan komandası “Neftçi” ilə oynamaqdan imtina etdi - FOTO
“Neftçi”nin təlim-məşq toplanışı çərçivəsində keçirəcəyi ikinci yoxlama oyunundakı rəqibi dəyişib.
Oxu.Az xəbər verir ki, Macarıstanın bürünc mükafatçısı olan “Fehervar” klubu zədəlilərinin çox olması ilə əlaqədar “Neftçi” ilə sınaq matçından imtina edib.
Buna görə də “ağ-qaralar” sabah Sloveniyanın digər klubu “Domjale” ilə qarşılaşacaq. “Domjale” stadionunda baş tutacaq görüş Bakı vaxtı ilə saat 20:00-da start götürəcək və “Neftçi TV” vasitəsilə canlı yayımlanacaq.
Qeyd edək ki, Sloveniyanın Kranska Qora bölgəsində yerləşən “Ramada Hotel & Suites”də məskunlaşan “Neftçi” toplanış çərçivəsində ilk yoxlama oyununu iyunun 21-də “Kodelyevo Sport Lyublyana” stadionunda yerli “Olimpiya” klubuna qarşı keçirib (1:1). Flaqman iyunun 29-da Moskva “Spartak”ı ilə üz-üzə gələcək.