Azərbaycan Tokio Olimpiadasında bu gün də medalsız qaldı - YENİLƏNİB + FOTO

Azərbaycan cüdoçusu Murad Fətiyev medalsız qalıb.

Oxu.Az xəbər verir ki, o, Səid Mollaiyə (Monqolustan) Qızıl xal hesabında uduzaraq Olimpiadaya erkən vida edib.

Bununla da Azərbaycanın bu gün də medal qazanmayacağı təsdiqini tapıb.

Qeyd edək ki, Murad Fətiyev 17-ci idmançımızdır ki, Olimpiadadan medalsız ayrılır.

08:05

Azərbaycanlı cüdoçu Murad Fətiyev (-81 kq) Tokio Yay Olimpiya Oyunlarında mübarizəyə qoşulub.

Oxu.Az xəbər verir ki, o, ilk görüşündə Syerra Leonenin bayraqdarı Frederik Harislə görüşməli olsa da, rəqibi tatamiyə çıxmayıb.

Nəticədə Murad güləşməmiş 1/8 finala vəsiqə qazanıb. Onun bu mərhələdəki rəqibi Monqolustanı təmsil edən iranlı Səid Mollai olacaq.

Səbuhi Musayev