Lukaku “Çelsi”nin təklif etdiyi yüksək məbləğdən imtina edib

“İnter”in belçikalı hücumçusu Romelu Lukaku çıxış etdiyi klubu tərk etməyəcək.

Tanınmış idman jurnalisti Alfredo Pedulla öz saytında (alfredopedulla.com) yerləşdirdiyi xəbərdə qeyd edir ki, “Çelsi” klubu 28 yaşlı forvarda görə İtaliya klubuna 130 milyon avro vəsait təklif edib.

Lakin “İnter” təklifi qəbul etməyib.

“İnter” rəsmiləri bildiriblər ki, belçikalı futbolçu əsas heyətin oyunçusu və çıxış etdiyi klubun liderlərdən biri olaraq İtaliyanı tərk etmək niyyətində deyil.