Azərbaycanın 21-ci idmançısı Olimpiadanı medalsız başa vurdu - FOTO

Azərbaycan boksçusu Məhəmməd Abdullayev (+91 kq) Tokio Olimpiadasında çıxışını başa vurub.

Oxu.Az xəbər verir ki, o, 1/8 finalda dünya və üçqat Avropa çempionu Baxodir Cəlalovla (Özbəkistan) qarşılaşıb.

Döyüş rəqibin 5:0 (30:27, 30:27, 30:27, 30:27, 30:26) hesablı qələbəsi ilə başa çatıb.

Bununla da Azərbaycanın 3-cü boksçusu, ümumilikdə isə 21-ci idmançımız Olimpiadanı medalsız başa vurub.

Səbuhi Musayev