“Çelsi” futbolçusunun evi qarət olundu – ANBAAN VİDEO

İngiltərə millisi və “Çelsi” klubunun futbolçusu Ris Ceymsin evi qarət olunub.

O, cinayətin anbaan videosunu “Instagram”da paylaşaraq, ictimaiyyətə müraciət edib.

Hadisə futbolçunun Çempionlar Liqası çərçivəsində Sankt-Peterburqda “Zenit”lə qarşılaşmada iştirak etdiyi zaman baş verib.

Cinayətkarlar içində idmançının medalları olan seyfi oğurlayıblar. Seyfdə Ceymsin ötən mövsüm “Çelsi” ilə Çempionlar Liqası və Superkubok turnirlərində qazandığı qızıl medal və İngiltərə millisi ilə bu il əldə etdiyi Avropa çempionatının gümüş medalı olub.