Danimarka millimizə 8 cavabsız qol vurdu

Qadın futbolçulardan ibarət Azərbaycan milli komandası DÇ-2023-ün seçmə mərhələsində bu gün növbəti oyununu keçirib. 

Siyasət Əsgərovun rəhbərlik etdiyi kollektiv “ASK Arena”da Danimarka millisi ilə qarşılaşıb.

Slovakiyadan olan hakimlər briqadasının idarə etdiyi oyun yığmamızın böyükhesablı məğlubiyyəti ilə başa çatıb – 0:8.

Azərbaycan yığması qrupdakı ilk oyunda Rusiyaya uduzmuşdu – 0:2. Bununla da komandamız iki oyuna 10 top buraxmaqla qrupda sonuncudur. 

Qeyd edək ki, millimizin yer aldığı E qrupunda Danimarka və Rusiya ilə yanaşı, Bosniya və Herseqovina, Malta və Monteneqro komandaları da var.