“Champions Chess Tour”: Şəhriyar Məmmədyarov Karlsenə Armaqedonda məğlub oldu
“Champions Chess Tour”: Şəhriyar Məmmədyarov Karlsenə Armaqedonda məğlub oldu
Şahmat üzrə norveçli dünya çempionu Maqnus Karlsenin təşkil etdiyi Çempionlar Turunun final mərhələsində II turun görüşləri keçirilib.
Azərbaycanlı qrossmeysterlərdən Teymur Rəcəbov ABŞ təmsilçisi Hikaru Nakamura ilə üz-üzə gəlib. 4 hissəlik görüşdə qalib müəyyənləşmədiyindən, tay-breyk oynanılıb. Bu zaman rəqib daha güclü olub.
Şəhriyar Məmmədyarov isə Maqnus Karlsenlə qarşılaşıb. Bu görüşdə isə qalib əsas hissə və tay-breykdə yox, Armaqedonda müəyyənləşib. Karlsen 4:3 hesabı ilə qalib gəlib.
18:15
Bu gün şahmat üzrə norveçli dünya çempionu Maqnus Karlsenin təşkil etdiyi “Champions Chess Tour”un final mərhələsinin II turunun oyunları keçiriləcək.
Yarışda Azərbaycanı qrosmeysterlərimiz Şəhriyar Məmmədyarov və Teymur Rəcəbov təmsil edirlər.
İkinci turda Ş.Məmmədyarov Maqnus Karlsenlə qarşılaşacaq. T.Rəcəbov isə ABŞ təmsilçisi Hikaru Nakamura ilə üz-üzə gələcək. Görüşlər Bakı vaxtı ilə saat 20:00-da start götürəcək.
I turda Şəhriyar Məmmədyarov Vesli So (ABŞ), Teymur Rəcəbov Vladislav Artemyevə (Rusiya) uduzub.
Qeyd edək ki, hər matçda dörd partiya oynanılır. Qalib müəyyənləşməsə, blits və Armaqedon görüşlərinin keçirilməsi nəzərdə tutulur.
Turnirin mükafat fondu 100 min ABŞ dollarıdır.