Kassano: “Ronaldu heç dünyanın ən yaxşı beş futbolçusu sırasına da daxil deyil”

İtaliya millisinin keçmiş hücumçusu Antonio Kassano dünya tarixinin ən yaxşıları hesab etdiyi beş futbolçunun adını açıqlayıb.

“Kriştianu Ronaldu – tarixin ən yaxşı futbolçusudur? O, heç ən yaxşı beşliyə də daxil deyil.

Mənim üçün ən yaxşı futbolçular Messi, Pele, Maradona, Kroyf və Ronaldodur (braziliyalı).

Bunlar başqa səviyyədə fenomenlərdir. Əgər siyahıda kimisə dəyişməli olsam, Marko van Basteni əlavə edərdim”, - deyə A.Kassano bildirib.

Mənbə: Championat.com