Azərbaycanlı futbolçu Ankara klubuna qələbə qazandırdı - VİDEO
Azərbaycanlı futbolçu Ankara klubuna qələbə qazandırdı - VİDEO
Türkiyə I divizionunda mübarizə aparan “Keçiörəngücü” klubu bu gün Ankarada “İstanbulspor”u qəbul edib.
Oxu.Az xəbər verir ki, qarşılaşmada azarkeşlər 5 qolun şahidi olub.
Oyunda 3:2 hesabı ilə meydan sahibləri qələbə qazanıb. “Keçiörəngücü”nün qələbə qolunu azərbaycanlı futbolçu Vüsal İsgəndərli vurub.
61-ci dəqiqədə meydana daxil olan Vüsal İsgəndərli oyunun əsas vaxtına əlavə edilmiş 7-ci dəqiqədə fərqlənib. Bu onun Türkiyədə vurduğu ikinci qoldur. Daha əvvəl Vüsal yeni komandasının çempionatda qazandığı ilk qələbəsi (28 avqustda “Adanaspor”u 2:0 məğlub etdikləri görüşün 52-ci dəqiqəsində fərqlənmişdi) zamanı qol vurmuşdu.
Bu qələbə ilə “Keçiörəngücü” turnir cədvəlinin sonuncu pilləsindən xilas olub. Hazırda Ankara klubu 7 xalla 18-ci sıradadır.