Ronaldu: “Ağızlarını yumub qələbə qazanmağa davam edəcəm”

“Mançester Yunayted”in portuqaliyalı ulduzu Kriştianu Ronaldu ünvanına səsləndirilən tənqidlərə cavab verib.

“Komandaya müdafiədə nə zaman yardım lazım olduğunu bilirəm. Mənim klubdakı rolum isə qələbədir, komandaya qollar vurmağa yardım etmək. Ancaq müdafiə də mənim işimin bir hissəsidir.

Bəzi insanlar var ki, bunu görmək istəmirlər, çünki mən onların xoşuna gəlmirəm, düzünü desəm, 36 yaşım var, hər şeyi qazanıram. Buna görə də barəmdə pis şeylər danışanlara görə narahat olacağammı? Gecələr rahat yatıram, vicdanım rahatdır. Hər şeyə baxmayaraq, onların ağızlarını yumub, qazanmağa davam edəcəm. Tənqid hər zaman işin bir parçasıdır. Məni bu narahat etmir”, - deyə Ronaldu bildirib.

Mənbə: Championat.com