Xavi 25 min azarkeşə “Barselona”nın baş məşqçisi kimi təqdim olundu - FOTO/VİDEO

“Barselona” yeni baş məşqçisi Xavi Ernandesi təqdim edib.

Oxu.Az xəbər verir ki, 41 yaşlı mütəxəssisin təqdimat mərasimi “Kamp Nou” stadionunda keçirilib.

25 min azarkeşin iştirakı ilə baş tutan tədbirdə arenaya klub prezidenti Joan Laporta ilə birlikdə ayaq basan Xavi əfsanəvi kapitanı olduğu kataloniyalılarla 2024-cü ilin yayına qədər müqavilə imzalayıb. O, La Liqa təmsilçisinin sükanı arxasına keçmək üçün Qətər klubu “Əl-Sədd”lə anlaşmasına xitam verib.