Dek
2021
11:22
30
286
3851
Virtual karabakh

Dünya çempionumuz İranda hərbi xidmətə çağırılıb

3 Dek, 2021
11:22
3851

Dünya çempionumuz İranda hərbi xidmətə çağırılıb

Bizim WhatsApp kanalımıza buradan abunə ola bilərsiniz

Sabah bir illik fasilədən sonra Azərbaycanda taekvondo üzrə böyüklər arasında Azərbaycan çempionatı start götürəcək.

Oxu.Az-ın əldə etdiyi məlumata görə, aparıcı idmançılarımızdan I Avropa Oyunlarının və IV İslam Həmrəyliyi Oyunlarının qalibi Ayxan Tağızadə, Olimpiya mükafatçısı, dünya və Avropa çempionu Milad Beiqi və Olimpiya çempionu, dünya və Avropa çempionu Radik İsayev bu birincilikdə iştirak etməyəcək.

Bu barədə Azərbaycan Taekvondo Federasiyasının vitse-prezidenti Niyaməddin Paşayev bildirib:

“Ayxan Tağızadənin dizində zədə olduğu üçün ötən ay əməliyyat olunub. Milad Beiqi hazırda İrandadır. Onun İran qanunvericiliyinə görə, hərbi xidmət məsələsi var. Əslində ağır çəki dərəcələrində kifayət qədər yetərsay olmadığından, onun gəlib, yenidən İrana qayıtmasını istəmədik. Radik İsayev də hazırda Rusiyadadır. O da yarışda çəki dərəcəsində rəqabət üçün yetərsay olmadığı üçün iştirak etməyəcək.

Digər legionerlərimizdən Həşim Məhəmmədov və Patimat Abakarova isə yarışda mübarizə aparacaq. Həşimdə pasport problemi vardı. Artıq həmin məsələ həll olunub”.

Qeyd edək ki, yarışda bu gün çəkiölçmə mərasimi keçiriləcək. Sabah və dekabrın 5-i yarışda kişi və qadınlar arasında böyüklər üzrə Azərbaycan birinciliyi keçiriləcək. Yarış Sumqayıt Olimpiya Kompleksində keçiriləcək.

Səbuhi Musayev

Bizimlə əlaqə saxlayın

Digər İdman xəbərləri