Basketbol üzrə Azərbaycan çempionatını gecikdirən səbəb məlum oldu

Basketbol üzrə Azərbaycan çempionatının başlanma vaxtının gecikməsinin səbəbi bilinib.

Oxu.Az-ın əldə etdiyi məlumata görə, yarış ən yaxşı halda yanvarda başlaya bilər.

Turnirin gecikməsinə səbəb turnirin keçirilməli olduğu Azərbaycan Texniki Universitetinin idman zalında tələbələrin çempionatının davam etməsidir. Bu yarış isə dekabrın 26-da yekunlaşmalıdır.

Qeyd edək ki, 6 komandanın Azərbaycan çempionatında iştirakı dəqiqləşib. Bunlar “Zirvə-Astara”, “80-lər”, “Alov”, NTD, “Sıçrayış” və “Xırdalan” klublarıdır.

Səbuhi Musayev