İngiltərə Liqa Kuboku: “Çelsi”nin finaldakı rəqibi “Liverpul” oldu - VİDEO

İngiltərə Liqa Kubokunun yarımfinal mərhələsinin sonuncu oyunu baş tutub.

Oxu.az xəbər verir ki, cavab görüşündə “Liverpul” səfərdə “Arsenal”la qarşılaşıb.

Qonaqların üstünlüyülə keçən matçda “Topçular” qapılarından iki top buraxaraq turnirə əlvida deyiblər. “Liverpul”sa adını finala yazdırıb - 0:2

Qeyd edək ki, komandalar arasında ilk matç yanvarın 13-də keçirilib və qolsuz bərabərliklə yekunlaşıb.

Beləliklə də, turnirin həlledici qarşılaşmasında “Liverpul” “Çelsi” ilə üz-üzə gələcək.