Türkiyə Super Liqası: “Pələnglər” “Aslanlar”ı son dəqiqələrdə üstələdi - VİDEO

Türkiyə Super Liqasının 23-cü turunda lider “Trabzonspor” “Qalatasaray”ın qonağı olub.

Komandalar arasında 21 xallıq fərqin olmasına baxmayaraq, qarşıdurma ənənəvi olaraq böyük maraq doğurub.

Qarlı hava şəraitində keçən “Aslanlar”la “Pələnglər”in mübarizəsində qalib son dəqiqə qolu ilə müəyyənləşib. “Qalatasaray”ın ilk hissədəki penaltidən qoluna “Trabzonspor” 84 və 90-cı dəqiqələrdə vurulan dəqiq zərbələrlə cavab verib – 1:2.

Beləliklə də, çempionatın lideri bu mövqeyi əbəs yerə tutmadığını bir daha sübut edib.