Avropa çempionatı öncəsi Azərbaycan millisinə baş məşqçi təyin olundu

Gənc oğlan boksçulardan ibarət Azərbaycan milli komandasına yeni baş məşqçi təyin olunub.

Oxu.Az xəbər verir ki, Azərbaycan Boks Federasiyasının (ABF) qərarı ilə bu vəzifə Elbrus Rzayevə həvalə edilib.

Bu təyinata qədər qadınlardan ibarət yığmada baş məşqçi funksiyasını yerinə yetirən mütəxəssis bu gündən işinin icrasına başlayacaq. Onun ilk sınağı 10-22 aprel tarixlərində Bolqarıstanın paytaxtı Sofiya şəhərində keçiriləcək Avropa çempionatına təsadüf edəcək. Yarışa hazırlıq məqsədilə komanda bu günlərdə təlim-məşq toplanışına başlayacaq.