“Yuventus” fantastik qolla son anda məğlubiyyətdən xilas oldu, “Borussiya” darmadağınla qalib gəldi - VİDEO

İtaliya A Seriyasının 33-cü turunun “Yuventus” - “Bolonya” matçı maraqlı məqamlarla yadda qalıb.

Belə ki, qarşılaşmada hesabı açan qonaqlar oyunu 9 nəfərlə başa vurmalı olublar.

İkinci hissəyə əlavə edilmiş 5-ci dəqiqədə “Yuve”nin forvardı Alvaro Morata topu aşırma zərbə ilə rəqibin qapısı önünə yönəldib. Duşan Vlahoviç isə topu bir metr məsafədən başı ilə tora göndərib - 1:1. Nəticədə, “Qoca Sinyora” məğlubiyyətdən son anda yaxa qurtara bilib.

Almaniya Bundesliqasında isə növbəti tur Dortmund “Boriussiya”sı üçün uğurlu olub. Komanda “Volfsburq”un qapısından düz 6 top keçirib. Qonaqların gücü onlardan yalnız birinin əvəzini çıxmağa çatıb – 6:1.